ບອນລູນ ເທິງ ເມືອງ ວັງວຽງ

ເຈົ້າກໍາລັງຫາປະສົບການການຊົມທິວທັດເມືອງວັງວຽງແບບຕື່ນເຕັ້ນທີ່ສຸດບໍ? ມາທາງນີ້ເລີຍ! ເພາະວ່າການບໍລິການບອລລູນ ‘Above Laos’ ຈະພາເຈົ້າບິນເທິງບັນດາພູເຂົາຢ່າງເປັນເອກະລັກ. ບອລລູນຂອງທາງເຮົານັ້ນມີຄວາມປອດໄພສູງ ແລະ ເປັນກິດຈະກໍາສະບາຍໆ ແລະ ທີ່ບໍ່ຈໍາກັດລະດັບການຟິດເນັດຂອງບັນດາຜູ້ໂດຍສານ. ເຈົ້າພຽງແຕ່ຕ້ອງສາມາດປີນຂຶ້ນທີ່ກະຕ່າບອລລູນ ແລະ ສາມາດຢືນຊົມທິວທັດປະມານ 1 ຊົ່ວໂມງ. ເຖິງຢ່າງໃດກໍຕາມ, ສໍາລັບບັນດາແມ່ຍິງຖືພາ ຫຼື ບຸກຄົນທີ່ມີບັນຫາທາງລະບົບຫົວໃຈຈະບໍ່ໄດ້ຮັບອະນຸຍາດໃນກິດຈະກໍານີ້ ແລະ ສໍາລັບບຸກຄົນທີ່ມີເງື່ອນໄຂອື່ນໆ ຫຼື ອາການອື່ນໆ ກ່ຽວກັບສຸຂະພາບ ເຊັ່ນ ບັນຫາຫົວເຂົ່າ, ປວດຫຼັງ, ວິນຫົວ, … ກະລຸນາແຈ້ງໃຫ້ເຈົ້າໜ້າທີ່ຜູ້ດູແລບອລລູນຮັບຮູ້ລ່ວງໜ້າ.

ລະ​ດັບ​ຄວາມ​ຫຍຸ້ງ​ຍາກ:

ທະຍານຂຶ້ນເທິງພູເຂົາອັນງົດງາມຂອງດິນແດນວັງວຽງ! ກິດຈະກໍາດັ່ງກ່າວນີ້ເລີ່ມໃນທຸກໆຕອນເຊົ້າກ່ອນຕາເວັນຂຶ້ນ, ໂດຍອີງຕາມສະພາບຂອງອາກາດ – ຊຶ່ງບໍ່ສາມາດດໍາເນີນ ກິດຈະກໍານີ້ໃນຊ່ວງລະດູຝົນ. ບັນດາຜູ້ທ່ອງທ່ຽວສາມາດຊື່ນຊົມທິວທັດທີ່ເປັນເອກະລັກຈາກມູມສຸດຕື່ນເຕັ້ນໄດ້ຈາກກະຕ່າບອລລູນນັ້ນເອງ. ‘Above Laos’ ຈະພາເຈົ້າທະຍານຂຶ້ນເຖິງເມືອງວັງວຽງໃນໄລຍະເວລາ 45 ນາທີ ດ້ວຍລະບົບຄວາມປອດໄພສູງສຸດ ແລະ ສະດວກສະບາຍທີ່ສຸດ.

ທາງເຮົາຈະໄປຮັບເຈົ້າຕັ້ງແຕ່ຕອນເຊົ້າຮັບຈາກໂຮງແຮມ ຣີສອດ ບູຕິກ ລີເວີຊາຍ ເພື່ອພາເຈົ້າໄປໂດຍກົງເຖິງຈຸດປ່ອຍບອລລູນ – ຊຶ່ງເຈົ້າບໍ່ຈໍາເປັນຕ້ອງລຸກແຕ່ເຊົ້າ ແລ້ວເສຍເວລາຂັບລົດໄປດ້ວຍຕົນເອງ! ດັ່ງນັ້ນ, ພຽງແຕ່ກຽມໂຕພ້ອມສໍາລັບການຜະຈົນໄພທີ່ປະທັບໃຈໄດ້ ແລະ ທີ່ລື່ມບໍ່ໄດ້!

ເຈົ້າຈະໄດ້ຮັບບໍລິການອາຫານຫວ່າງກ່ອນທີ່ບອລລູນຈະທະຍານຂຶ້ນ ແລະ ໃນຂະນະດຽວກັນເຈົ້າໜ້າທີ່ຜູ້ດູແລການລ່ອງບອລລູນຈະໃຫ້ການບັນຍາຍລາຍລະອຽດຄວາມປອດໄພໃຫ້ແກ່ເຈົ້າ. ແລະ ເມື່ອບອລລູນໄດ້ຂຶ້ນນັ້ນ, ເຈົ້າຈະໄດ້ຮັບປະສົບການທີ່ມະຫັດສະຈັນ: ທິວທັດຕອນເຊົ້າຂອງເມືອງວັງວຽງທີ່ສຸດຕື່ນຕາ, ພູເຂົາທີ່ສວຍງາມ, ແລະ ທິວທັດມະຫັດສະຈັນ. ເປັນປະສົບການທີ່ໜ້າຕື່ນເຕັ້ນ.

ຂະນະທີ່ບອລລູນໄດ້ລົງຈອດ, ເຈົ້າຈະໄດ້ຮັບບໍລິການອາຫານເຊົ້້າ ພ້ອມວາຍສປາຣ໌ກິ້ງ ເພື່ອເປັນການຊົມເຊີຍປະສົບການທີ່ສໍາເລັດນີ້ ກ່ອນທີ່ຈະຂັບລົດກັບໄປທີ່ພັກໃນໂຮງແຮມ ຣີສອດ ບູຕິກ ລີເວີຊາຍ.

‘Above Laos’ ຖືກສ້າງຂຶ້ນໂດຍມີເປົ້າໝາຍເພື່ອສົ່ງມອບການຜະຈົນໄພທີ່ສົມບູນແບບໃຫ້ເຈົ້າ ໂດຍເຮົາຈະກໍານົດມາດຕະຖານຄວາມປອດໄພ ແລະ ຄຸນນະພາບລະດັບສູງດ້ວຍບອລລູນສັ່ງຕົງຈາກປະເທດຝລັ່ງທີ່ໄດ້ຮັບການດູແລຢ່າງໃກ້ສິດໂດຍນັກບິນມືອາຊີບລະດັບສາກົນ, ເຈົ້າໜ້າທີ່ຜູ້ເອົາໃຈໃສ່ ແລະການປະຕິບັດຕາມກົດລະບຽບການບິນຂອງພະນັກງານທີ່ກ່ຽວຂ້ອງ.